JENS ROSING, 1970
Hans Lynge (1906-88) aamma Jens Rosing (1925-2008) eqqumiitsuliortunit kalaallinit allanit allaanerussutigaat inunnik atassuteqaatinik pisariaqartitsinatik namminneq atortussaminnik pissarsiorsinnaagamik, taamattaarlu eqqumiitsuliorsinnaallutik qanorluunniit. Tamarmik atuagarsorlutik ilinniarsimapput, eqqumiitsuliornerinnarmillu inuussutissarsiuteqarsinnaallutik.
Ataatani Niels Lynge isumassarsiorfigalugu Hans Lyngep pinngortitaq kusanartuliaq assilianngortittarpaa. Suliaani qalipaasiutinik naqitsinerit erseqqipput, ilisarnartuliaanatik. Najoqqutaasarput pinngortitaq, inuit oqaluttuatoqqallu, kisiannili qangaanerusut assiginagit suliat eqqarsaasersornermit eqqaamasalikkersaarnermillu aallaaveqarajuttarput oqaluttuaannaanatik. Lyngep nuannaraa Kalaallit Nunaata avataanit isumassarsiussalluni, sulilu kalaallit eqqumiitsuliortut nunatsinnut tunngasut nunanilu allani pisartut akornat pissanganartorsiorfissarsiorfigisarpaat.
Lyngep Rosingillu inuussutissarsiutigalugu suliaqartarnerisa kusassaalluni imissutinik suliaqarsinnaaneq, atuakkanik assitalersuineq saqqummersitsisarnernilu peqataasarneq ammaappaat. Inuiaqatigiinni eqqumiitsuliorneq eqqumaffigineqalerpoq, annertusarnissaanik kissaateqartoqalerluni. Nammineq avatangiisit isiginiarneqarnerulerput europamiut eqqarsartariaasiat periusaallu nunani allani ilinniarfinni naapittakkat piinnarnagit.
Paasissutissat allat
- Hans Egede ajoqersuiartornerlu
- Katersugaasiviit kulturikkullu kingornussat
- Ukiut sorsuffiusut tungaanut nunasiaateqarneq (1721-1940)
- Assilialiorneq kusanartuliornerlu
Kalaallit Nunaanni kulturi pillugu paasissutissat allat.
