Sisimiuni Kangerlussuarmilu katersugaasiviit

© Styrelsen for Dataforsyning og Infrastruktur
Sisimiut katersugaasiviata isaariaa arferup alleruinik nappartitanik kusassagaavoq, arfanniarnerup illoqarfimmut pingaaruteqarsimanera takussutissillugu. Arfeq 1900-kkut aallartilaarneranni pisarineqarsimavoq. Katersugaasiviup eqqaaniipput illut oqaluttuarisaanermut pingaarutillit. Taamatuttaaq illu ujaqqanik issunillu qarmagaq nappaqqinneqarsimavoq, takussutissaqartinniarlugu qanga nunasiaataanerup nalaani qanoq kalaallit najugaqarsimanersut.
ANINGAAQ R. CARLSEN/VISIT GREENLAND, 2020

Peqatigiiffik Sisimiuni Katersugaasiviit 1974-imi martsip 14-ianni pilersinneqarpoq. Katersat Illutoqqamut niuertussap illutoqaanut 1756-imeersumut inissinneqarput, taannalu 1984-imi aaqqissuunneqareerluni atorneqalerluni. Ullumi illut atorneqartut tassaapput Arfanniat illuat 1783-ip missaaneersoq, Ajoqersuiartortut illuat 1759-imeersoq, Saffiorfik 1900-p missaaneersoq, Bethelip Oqaluffia 1775-imeersoq, Pisiniarfitoqaq 1825-imeersoq. Agguarfissuaq 1844-imeersoq taavalu Niuertorutsip Illua 1846-imeersoq. Taamatuttaaq 1992-imi issuinnarmik illuliaq napparneqarpoq.

2015-imi kommunalbestyrelsip aalajangerpaa Kangerlussuarmi Katersugaasivik Sisimiut Katersugaasivianut atalissasoq, taamaalillunilu katersugaasiviit kattunneqarpoq taaguuteqalerlutik Sisimiuni Kangerlussuarmilu katersugaasiviit.

Paasissutissat allat

Kalaallit Nunaanni kulturi pillugu paasissutissat allat

  • Daniel Thorleifsen

    (in. 1962) Cand.mag. Nunatta Katersugaasiviani Allagaateqarfianilu pisortaq.

  • Bo Albrechtsen

    (in. 1968) Cand.mag. Aalborgimi Kalaallit Illuutaanni pisortaq.