Upernavimmi katersugaasivik 1950-ikkut aallartilaarneranni oqaluffitoqqami sysselrådit ataatsimiittarfigisarsimasaanni aallartisarneqarpoq. 1979-imi illoqarfitoqqami illutoqqat kommunimut tunniunneqarput. 1997-imi illutoqqat iluarsartuunneqareerlutik katersugaasivimmit atorneqalerput. Taakkuupput oqaluffitoqaq, pisiniarfitoqaq 1864-imi sananeqarsimasoq, niuertup illutoqaa 1832-meersoq (1777-imi Imerissuni nappaqqaarneqartoq), napparsivik 1848-meersoq, atuarfitoqaq 1911-meersoq, taavalu palasip illutoqaa 1866-imeersoq.
Napparsivik 2006-imi eqqumiitsuliortunut najugaqarfissatut aaqqissuunneqarpoq, ukiullu tamaasa nunarsuarmit tamaneersunit najugaqarfigineqartarluni. Kommunimit ingerlanneqarpoq eqqumiitsuliortut tassannga toqqarneqartarlutik. Tikeraarsimanerminni suliaminnit saqqummersitsisarput tunniussisarlutillu. Ilaatigut atuartut innuttaasullu suleqatigisarpaat.
Paasissutissat allat
- Oqaluffiit
- Hans Egede ajoqersuiartornerlu
- Namminersornerullutik oqartussat (1979-2008)
- Kujataa – Nunalerineq Sermersuup sinaani
- Upperisaq upperisarsioqatigiillu
- Ukiut sorsuffiusut tungaanut nunasiaateqarneq (1721-1940)
- Nunaqarfiit
- Ileqqut oqaluttuallu
- Upernavik
- Assilialiorneq kusanartuliornerlu
Kalaallit Nunaanni kulturi pillugu paasissutissat allat
