Umimmaat Kalaallit Nunaata avannaaneersuupput aammalu Tunup Avannaarsuaninngaaneersuupput. 1962-63-imi umimmaat katillugit 27-t Tunup Avannaarsuaniit nuunneqarput, Kalaallit Nunaata kitaani Kangerlussuup kujataani Angujaartorfiup Nunaanut inissinneqarlutik. Sumiiffimmi tassani ilaatigut taamaallaat killilimmik nittaattarnera ilisarnaataavoq. Tamatuma ukiukkut umimmaat nerisassarsiortarnerat ajornannginnerulersippaa, tamannalu aamma toqusartut ikinnerunerannik malitseqarpoq aammalu Tunup Avannaarsuanut sanilliullugu amerliartornerullutik. Taamaattumik uummasut taakkua sukkasuumik amerliartorsimapput aammalu ullumikkut Kangerlussuup kangerluata avannaani aamma uumasoqarluni. Kingullermik Kangerlussuup avannaani kujataanilu sumiiffinni umimmannik kisitsinermi (2018-imi) uumasut 22.000-t missaanniissimapput.
Kangerlussuup eqqaani umimmaliilluni nuussisoqareerneraniilli 1986-imiit 2014-imut umimmannik tassanngaaniit Kalaallit Nunaata kitaani sumiiffinnut allanut arfineq marlunnut nuussisoqarsimavoq. Umimmaliilluni nuussinermut siunertaasoq pingaarneq tassaasimavoq, najukkani aallaaniarnermut periarfissaqarnerulersitsinissaq. Sumiiffiit umimmaliilluni nuussiffigineqartut ilaanni ivigartorpallaarnermut takussutissaqarpoq, kisianni sumiiffinni nutaani taakkunani naasoqartuni qanoq nuussineq sunniisimanersoq naammattumik misissorneqarsimanngilaq.
Paasissutissat allat
- Uumassusillit assigiinngisitaarnerat aamma pinngortitap aqutsivigineqarnera
- Tulleriissaartumik periaaseqarluni avatangiisinik alapernaarsuineq
- Silap pissusaa
- Nunami pinngortitaq sermeqanngitsoq
Kalaallit Nunaat pinngortitaa pillugu paasissutissat allat.
