WERNER FORMAN/RITZAU SCANPIX, 2011
Katersugaasivik 1966-imi nunatta katersugaasiviatut pilersinneqarpoq, 1978-imilu quersuatoqqat iluarsaanneqareerneranni massakkut inissisimaffimminut Nuutoqqamut inissinneqarluni. 1979-imi Namminersornerullutik Oqartussanit akisussaaffigineqalerpoq. Nunatta Katersugaasivia Nunattalu Allagaateqarfia 1989-imi ataatsimuulerput, suliffeqarfillu taaguteqalerluni Nunatta Katersugaasivia Allagaateqarfialu.
Nunatta Katersugaasiviata nunatsinni katersugaasiveqarnermut allagaateqarnermullu inatsisit saniatigut eqqissisimatitsinermut inatsit akisussaaffigaa. Kujataani Qeqqatalu Kommuniani Nunarsuarmioqatigiinnut kingornussassanut UNESCO-p allattorsimaffianiittut illersornissaasa saniatigut aqutsinikkut inatsiseqarnerat akisussaaffigaa
Katersugaasivik pigisanik 70.000-it sinnerlugit toqqortaatilik katersugaasivinni annersaavoq. Katersugaatit arlallit ilaat Danmarkimi inissiivinniikkallartinneqarput nunatsinni inissaaleqitinnerat pissutaalluni. Tamakku ilagaat inuit timaat ilivitsutut paniinnarsimasut, uumasut saarngi taavalu uumasunik ujarannguussimasunik katersat.
Paasissutissat allat
- Illulioriaaseq
- Oqaluffiit
- Kalaallit Nunaannik assilialiortut
- Namminersornerullutik oqartussat (1979-2008)
- Hans Egede ajoqersuiartornerlu
- Kujataa – Nunalerineq Sermersuup sinaani
- Katersugaasiviit kulturikkullu kingornussat
- Nuuk
- Upperisaq upperisarsioqatigiillu
- Ukiut sorsuffiusut tungaanut nunasiaateqarneq (1721-1940)
- Issittumi ilisimasassarsiortartoq Knud Rasmussen
- Ileqqut oqaluttuallu
- Assilialiorneq kusanartuliornerlu
- Nunarsuarmi kingornussassaq: Aasivissuit – Nipisat
Kalaallit Nunaanni kulturi pillugu paasissutissat allat.
