Katersugaasivik illoqarfiup 1700-kkunni napparneqarneranit illuutitoqaanni inissisimavoq. 1981-imi KGH-p nalunaarasuartaasiviup pisortaata illutoqaa, qamutilitoqqat erfalasulertarfiillu kommunimut tunniuppai. 1988-imit niuertup illorsuatoqaa katersugaasivittut atorneqartussanngorlugu iluarsartuutereerneragut katersugaasivittut atorneqalerpoq.
Poul Egedep illua, nunatsinni qisunnik illuliat pisoqaanersaat, 1990-ikkunni eqqissisimatinneqartussatut iluarsaanneqareerluni saqqummersitsivittut atorneqalerpoq.
Ukiut ingerlanerini illut allat katersugaasivimmut tunniunneqarput, ilaallutik illu issunik ujaqqanillu qarmagaq, illu nammineq sanaaq taavalu sannavik. Taakku tamarmik innuttaasut akuutinniarneqarnissaannik suliniutit ilutigalugit maanna katersugaasivimmit atorluarneqarput.
Qalipaasup sannavitoqaa massakkut suliniutip Nunaqarfiup Uumassusillip atorpaa. Suliniut qanga Qeqertarsuup Tunuani piniartutut inuusimanermut piviusuusaartitsinermik sammisaqartitsisoq sannavimmi taavalu nunaannarmi ingerlanneqartarpoq periusitoqqanik ilinniartitsiffiusarluni.
Paasissutissat allat
- Oqaluffiit
- Hans Egede ajoqersuiartornerlu
- Namminersornerullutik oqartussat (1979-2008)
- Kujataa – Nunalerineq Sermersuup sinaani
- Upperisaq upperisarsioqatigiillu
- Maniitsoq
- Sorsunnerup nalaani ukiut kingornalu nunasiaataajunnaarneq
- Nunaqarfiit
- Ileqqut oqaluttuallu
- Assilialiorneq kusanartuliornerlu
Kalaallit Nunaanni kulturi pillugu paasissutissat allat
