Tunup avannarsuani ukiup qanoq ilinera apeqqutaalluni mingutitsisarneq

Villum Research Station-imi ilisimatuut Universität Leipzig-imi Leibniz-Institut für Troposphärenforschung-imeersut, ballonngi heliummimik imalik qullartippaat. Aarhus Universitet suleqatigalugu ilaatigut anorip sukkassusaa, aalarulunnerit, nukissamik qinngornerit aamma black carbon, tassaasut paap pujoralai ilaatigut aamarsuarnik ikuallaanermi aniatinneqartartut, ilisimatusarfiup uuttortarpai. Paap pujoralai silaannarsuarmi pingaaruteqartunut ilaapput, pissutigalugu taakkua seqernup qaamarnanik tigooqqaasaramik.
ESTHER HORVATH/ALFRED-WEGENER-INSTITUT, 2019

1970-ikkunni timmisartumiit misissuinerit inernerisa naatsorsuutigineqanngitsut takutippaat Kalaallit Nunaata qulaani silaannaq mingutsinneqartoq, aammalu issittumi silaannarsuarmi mingutsitsinerup qanoq issusaanut aalajangersimasumik uuttortaaveqarnissaq pisariaqartoq. Suliniut SAGA (Kalaallit Nunaanni Issittumi silaannarmi pujoralaasanik misissuineq) 1979-imi aallartippoq aammalu stationit sisamaatinneqarlutik, ilanngullugu Tunup Avannaarsuani Station Nord.

Tupaallannartumik paasisat takutippaat Kalaallit Nunaata avannarpasissortaa ukiut tamaasa ukiup qanoq ilinera apeqqutaalluni annertuumik mingutsinneqartartoq. Marts-april ikuallassaatit aamma saffiugassat oqimaatsut annertusiartortarnerat annertuumik annertunerpaamiippoq, Station Nord-imi Danmarkimi annertussusissaliussat qaangerujussuarsimallugit.

Paasinarsivoq Tunup Avannaarsuani mingutsitsineq Ruslandimi aamma Europami illoqarfinnit suliffissuaqarfinniillu silaannarsuakkoortumut ungasissumut ingerlaartartuninngaaneersoq. Silaannarsuarmiittunik aammalu silaannarsuarmiit nakkaalasunik, taakkualu issittumi nerisareqatigiinnermut pingaaruteqarnerannik, alapernaarsuineq suli maannakkut Villum Research Stationimi/Station Nordimi ilisimatusarnermi qitiulluinnartumik qitiutinneqarpoq.

Paasissutissat allat

Kalaallit Nunaat pinngortitaa pillugu paasissutissat allat.

  • Bo Elberling

    (in. 1968) Ujarassiornermi ph.d. aamma nunalerinermi dr.scient. Institut for Geovidenskab og Naturforvaltning, Københavns Universitet-imi professori.